Ассамблеяның 30 жылдығы аясында еліміз бойынша 400-ден астам ірі іс-шара өтеді

2025 жылдың қаңтар-ақпан айларында ҚХА-ның 30 жылдығына арналған еліміздің 25 жоғары оқу орны мен сараптамалық орталықтарында БАҚ-та кеңінен жарияланатын 34 ғылыми-тәжірибелік конференциялар, дөңгелек үстелдер, семинарлар қазірдің өзінде барлық өңірлердегі жоғары оқу орындарында өтуде және өткізілмек.

Мерейтойлық іс-шаралар 2025 жылдың 1 наурызында (ҚХА құрылған күні) басталады.

Күннің маңызды іс-шарасы – республикалық желілік форум (Астанадағы Бейбітшілік және келісім сарайындағы дөңгелек үстел, облыстардың, республикалық маңызы бар қалалардың, астананың Достық үйлеріндегі облыстық форумдар).

Алғыс айту күнін мерекелеуге келесі іс-шаралар кіреді:

«Қайырымдылық керуені» қайырымдылық акциясының басталуы – әлеуметтік жобаларды, халықтың осал топтарын, аз қамтылған отбасыларды қолдау, атаулы қайырымдылық акциялары;

алғыс, достық пен бірлікті насихаттау және шақыру;

ұйымның бастауында болған ҚХА ардагерлеріне бару және құрмет көрсету;

ҚХА мерейтойына арналған іс-шаралар;

этникалық ансамбльдер мен солистер қатысатын фестивальдар, көрмелер, концерттер, хореография, вокал және аспаптық музыка бойынша шығармашылық байқаулар өткізу;

ҚХА ХХХІV сессиясы қарсаңында 2025 жылғы 1 сәуірден 15 сәуірге дейін облыс әкімдерінің төрағалығымен облыстық ҚХА-ның кеңейтілген кеңестері (конференциялары) өтеді, оның барысында ҚХА-ның 30-жылдығына байланысты мәселелер, Қазақстан өңірлерінің бірлікті нығайту саласындағы жетістіктері мен нәтижелері талқыланады.

Қазақстан халқы Ассамблеясы өзінің басты міндеті – этностарды қазақы болмыс пен азаматтық негізінде топтастыруды жүзеге асырды.

Мемлекеттік этносаясат пен мемлекет құру соңғы жылдары мүлде жаңа идеологиялық контурларға ие болды. Ол қазақстандық азаматтық патриотизм негізінде де, заң алдындағы теңдікке де, шынайы мүмкіндіктер теңдігіне де негізделген азаматтық теңдік, сондай-ақ мемлекеттік қазақ тілінің біріктіруші рөлі негізінде құрылған.

Ассамблея ұлттық бірлікті қамтамасыз етудегі күш-жігердің басы-қасында болады.

«Бірлігіміз - әралуандығымызда», «Біз әртүрліміз, бірақ біз теңбіз» қағидаттары этносаралық саладағы арандатушылыққа «мүлдем төзбеушілік» және «жазаның бұлтартпастығы» қағидаттарымен толық үйлесетін болады.

Біздің жұмысымызда түрлі этнос өкілдерінің мүдделерін біріктіру мен оңды өзара іс-қимылдың басымдығы бірінші орынға шығады.