Қармақшы ауданы әкімдігінде мәжіліс өтті

Үкімет отырысынан кейін аудан әкімінің орынбасары Шыңғыс Әбділәмитұлының төрағалығымен геологиялық саланы және ауыл мектептерін дамыту мәселелері талқыланған мәжіліс өтті.

Жиын барысында тиісті сала басшыларына жер қойнауын мақсатты әрі заңды пайдалануын бақылауды қамтамасыз ету және заң бұзушылықтардың алдын алу шараларын күшейту тапсырылды.

Сонымен қатар білім беру ұйымдарының материалдық-техникалық базасын жаңарту, жаңа құрал-жабдықтармен қамтамасыз ету, жылу беру маусымының тұрақты өтуін бақылау және жасөспірімдер арасындағы құқықбұзушылықтардың алдын алу мақсатында түнгі рейд жұмыстарын күшейту мәселелері бойынша нақты міндеттер жүктелді.

Аудан әкімінің орынбасары жыл қорытындысы бойынша макроэкономикалық және нысаналы индикативтік көрсеткіштерде оң динамиканы қалыптастыру үшін тиісті сала басшыларына бірқатар тапсырмалар берді.