Көшпелі көрме
Мемлекет басшысы ҚасымЖомарт Тоқаев биылғы Қазақстан халқына арнаған «Әділетті Қазақстанның экономикалық бағдары» атты Жолдауында «Біз мәдениетті, білімді, ғылымды дамыту арқылы қазіргі ашық, әлемнің бір бөлшегі болуға ұмтылуымыз керек.
Алдымызға қойған биік мақсатқа жету оңай болмайды. Бірақ бүкіл ел болып кіріссек, бұл қолдан келетін шаруа» дей келе алдымызда айрықша міндеттер тұрғанын атап өткен еді. Сондай-ақ еліміздің егемендігін, жеріміздің тұтастығын сақтап қалу керектігі де Президент Жолдауларында үнемі айтылып келеді.
Осы орайда «Біртұтас тәрбие» бағ дарламасының құндылықтарды қалып тастыруда жүйелі және кешенді іске асырылатын іс-шаралар жоспарына сәйкес, аудандық тарихи-өлкетану музейінде аудандық оқушылар үйі «Шеберлік пен шабыт» тақырыбында көшпелі көрме ұйымдастырды. Оған №26, №183, №284, №27, №250, №30 мектеп оқушылары келіп, көрмені тамашалады. Көшпелі көрмеге «Оқушылар үйінің» ұстаздары оқушылармен біріге жасаған шебер туындыларын қойған. Оқушылар әрбір туындыны ерекше қызығушылықпен тамашалады. Мұндай көшпелі көрме алдағы уақытта жалғасын табары сөзсіз.
Марал АЙМАХАНОВА
