"Қар аралас жаңбыр, тұман мен көктайғақ": Синоптиктер еліміз бойынша алдағы күндерге арналған ауа райы болжамын жариялады
Қазгидромет еліміз бойынша 31 қазан мен 2 қарашаға арналған ауа райы болжамын жариялады. Алдағы күндері көп аймақтарда тұрақсыз ауа райы болады. Бұл туралы Stan.kz ақпарат агенттігі хабарлайды.
Қазақстанның басым бөлігінде атлантикалық циклонның ықпалымен тұрақсыз ауа-райы сақталады.
Қар аралас жаңбыр түрінде жауын-шашын болады. Көктайғақ пен тұман болжанған. 1 қарашада республиканың батысында нөсер жаңбыр жауады. Еліміздің батысында, солтүстік-батысында және солтүстігінде жел күшейеді.
Күндіз ауа температурасының жоғарылауы болжануда:
- батыста +12+17°С;
- солтүстік-батыста және солтүстікте +7+15°С;
- солтүстікте, шығыста және орталықта +4+9°С;
- оңтүстікте және оңтүстік-шығыста +12+17°С;
- ал таулы аймақтарда +3+8°С.
