Қазгидромет еліміз бойынша 22-24 қазанға арналған ауа райы болжамын жарияды. Болжам бойынша еліміздің басым бөлігінде жауын шашын болады. Бұл туралы Stan.kz ақпарат агенттігі хабарлайды.

Алдағы үш күнде Қазақстанның басым бөлігінде атлантикалық циклонның ықпалымен тұрақсыз ауа райы болады. 

Әсіресе жаңбыр, қар, көктайғақ құбылыстары болады. Батыс және оңтүстік өңірлерде жаңбыр, жекелеген облыстарда күндіз найзағай болады деп болжануда.

23 қазанда республиканың оңтүстік-шығысында қатты жаңбыр, таулы аудандарда жауын-шашын (жаңбыр, қар) болады. 24 қазанда Жетісу облысының тауларында қатты жауын-шашын (жаңбыр, қар) күтіледі. Қазақстан бойынша жел күшейеді және тұман болжанады.

Температураның фонында күрт өзгерістер жоқ.