Бүгін аудандық мәдениет үйінде «Бейбіт атом – береке, бірлік, болашақ!» тақырыбында танымдық конференция өтті

Шараның мақсаты – атом энергиясының бейбіт мақсатта қолданылуы мен оның қоғамға пайдасын түсіндіру. Конференцияны аудандық әйелдер кеңесінің төрайымы К. Раева жүргізді.

Жиында аудандық мәслихат депутаты Ә. Қошалақов атом энергетикасының экономикалық тиімділігі мен оның ел үшін маңызы жайында баяндама жасады. Сонымен қатар, А. Жанпейісов атындағы №105 мектеп-лицейінің физика пәнінің мұғалімі А. Өтегенова атом энергиясының физикалық негіздері туралы сөз қозғап, оның білім беру саласындағы рөліне тоқталды.

Қатысушылар атом энергетикасының қауіпсіздігі мен болашағы жайында пікір алмасты. Конференция барысында ұсыныстар мен шешімдер ортаға салынып, болашаққа бағытталған нақты қадамдар талқыланды.