Қазақстанда алдағы күндері ауа райы қандай болады?
Синоптиктер Қазақстанда 13, 14 және 15 тамызда ауа райы қандай болатыны туралы болжам жасады, - деп хабарлайды Tengrinews.kz тілшісі.
Қазақстандағы ауа райы Солтүстік Атлантикалық циклон әсерінен қалыптасады. Республиканың басым бөлігінде тұрақсыз ауа райы сақталады, жаңбыр жауып, найзағай ойнайды, екпінді жел соғады, бұршақ жауады. 13 тамызда еліміздің солтүстік-батысында, солтүстігінде, 14-16 тамызда батысында, солтүстік-батысында және солтүстігінде қатты жаңбыр жауады деп күтіледі. Қазақстан бойынша жел күшейеді.
"Елдің оңтүстігі мен шығысында күндіз +35...+38 градус ыстық күтіледі, термометрлер +18...+26-дан +22...+33 градусқа дейін ауытқиды", - делінген хабарламада.
