5-9 тамыз күндері ауыл тұрғындарының қаржылық сауаттылығын арттыруға бағытталған «Қарызсыз қоғам» жобасы аясында Жосалы кентінде 5 күнге жалғасқан оқыту-семинары аяқталды.

Айта кетейік, аудан бойынша жыл аяғына дейін 800-дей адамды оқыту жоспарлануда. Оқытудың төртінші аптасында 103 адам оқытудан өтті. Қазіргі таңда аудан бойынша жалпы 276 адам оқыту курсын аяқтады.

Кент тұрғындарына семинарды қаржы эксперті Балдырған Мамен өткізді. Жобаға қатысушылар жобаға қатыса отырып өз қаражатын тиімді басқаруды және шығынды оңтайландыруды, қаржыға қатысты проблемалық мәселелер қалай пайда болатынын, несиелік қарыздар санын азайтудың қандай жолдары барын, алаяқтық әрекеттерді қалай анықтау қажет екенін хабардар болып, қаржылық білімдерін кеңейтті.

Апталық дәрісті сәтті аяқтаған Жосалы кенті тұрғындарына «AMANAT» партиясы Қармақшы аудандық филиалының төрағасы Ә.Қошалақов арнайы сертификат табыстады.

Өз кезегінде қатысушылар жобаның тиімділігі өте жоғары екенін айтып, ұйымдастырушыларға шынайы ризашылықтарын білдірді.

Айта кетейік, азаматтардың қаржылық сауатын ашуына мүмкіндік беретін бұл жоба Мемлекет басшысы Қасым-Жомарт Тоқаевтың ерекше қолдауына ие болған.