Кітап — өмірдің ең алыс және қараңғы жолдарында жарық беретін шам

Бүгін түнгі кітапханамызға аудандық кәсіпкерлік және өнеркәсіп бөлімі мен "Жасыл ел" еңбек жасағы келіп кітапханамыздағы тұрақты кітап көрмелерімен, Абай залындағы "Кемеңгерліктің биік шыңы-Абай" атты кітап көрмесіндегі ақынның шығармаларымен, кітапханаға келген жаңа әдебиеттермен танысты.

Сонымен қатар, жастардың сұрауымен отбасы құндылығы, бақытты отбасы, әр күнді берекелі өткізу, мейірімділік, сыйластық, бақытты болу үшін жасалатын құндылықтар, өмірді сезіну, кешіре білу, салауатты өмір сүру, ситуациялық проблемалардан қалай шығу, проблеманы қабылдау, армандау, отбасындағы әйелдің орны жайындағы сауалдарына жауап берілді.

Өмір сабақтары туралы Мырзагелді Кемелдің "Ақыл қалта", "Екі томдық шығармалар жинағы", Амангелді Кеңшілікұлының "Мұқағали ғасыры", жетістікке жеткен қоғам қайраткерлерінің өмірі туралы т.б. әдебиеттермен танысты.

Жаңа оқырмандарымыз кітапханаға келгендеріне қуаныштарын жекізіп, айтылған кеңестерді сағаттап тыңдап, алғыстарын білдірді.