«Қарасора-2024» жедел профилактикалық іс-шарасы

Бүгінгі таңда есірткі қылмысы мен нашақорлық мәселесі өте өзекті. Қазіргі жастар арасында синтетикалық есірткі көп тараған. Осы дерттің алдын алу үшін құқық қорғау органдарына тапсырмалар жүктелген. Қызылорда станциясындағы желілік полиция бөлімінің есірткі қылмыстарына қарсы іс-қимыл тобының қызметкерлері республикалық көлемде өткізіліп жатқан «Қарасора-2024» жедел профилактикалық  іс-шарасы бойынша қызмет ету аймағындағы «темір жүк бөлімі» қызметкерлеріне түсіндірме  жұмыстарын жүргізді. Темір жол арқылы жөнелтіліп жатқан жүктерді қабылдап-тапсыру кезінде қырағылық танытып, жоспарлы кешенді тексеру жұмыстарын әрдайым жүргізіп отыр қажеттілігін түсіндірді.

Сондай-ақ мекеме қызметкерлеріне есірткінің зияндығы мен қауіп-қатерін, нашақорлыққа шалдығудың салдарын және есірткінің қоғамға зияндылығын, сонымен қатар жастар арасындағы әлеуметтік желі арқылы синтетикалық есірткі заттарының айналымы белең алып бара жатқандығын айта отырып, осы жүйедегі құқық бұзушылықтар үшін белгіленген жауапкершілікті түсіндіріп, салауатты өмір салтын ұстануға шақырды.