Түнгі рейд жұмыстары тұрақты жүргізілуде

Ауданда жастар мен жасөспірімдер арасында қылмыс пен құқық бұзушылықтың алдын алу мақсатында аудан әкімі аппаратының басшысы Диас Асылбекұлының жетекшілігімен аудандық прокуратура, полиция, қоғамдық даму, кәсіпкерлік және өнеркәсіп, білім бөлімдері және Қармақшы агро техникалық колледжі, жастар ресурстық орталығының басшылары мен қызметкерлерінің қатысуымен түнгі рейд жұмыстары жүргізілді.

Рейд барысында кафелер, дүкендер, компьютерлік клубтар, аллеялар және көпқабатты тұрғын үйлердің аулалары мен қараңғы қуыс көшелер араланып, кәмелетке толмаған жасөспірімдерге түсіндірме жұмыстары жасалды.

Сондай-ақ, Қазақстан Республикасының Заңына сәйкес кәмелеттік жасқа толмаған жастардың түнгі 23.00-ден кейін заңды өкілінсіз көшеде немесе ойын сауық орталықтарында жүруге тыйым салынатындығы жайлы ескертілді.