qarmaqshy-tany.kz Қармақшы ауданында жастар мен жасөспірімдер арасында қылмыс пен құқық бұзушылықтың алдын алу мақсатында Қармақшы ауданы әкімінің орынбасары Жұлдызхан Байназарұлының, ардагерлер мен Қармақшы аудандық мәслихат депутаттарының, Қармақшы аудандық полиция, Қармақшы аудандық қоғамдық даму, Қармақшы аудандық білім бөлімдері басшыларының қатысуымен түнгі рейд жұмыстары жүргізілді.

Рейд барысында кафелер, дүкендер, компьютерлік клубтар, аллеялар және көпқабатты тұрғын үйлердің аулалары мен қараңғы қуыс көшелер араланып, кәмелетке толмаған жасөспірімдерге түсіндірме жұмыстары жасалды.

Сондай-ақ, Қазақстан Республикасының Заңына сәйкес кәмелеттік жасқа толмаған жастардың түнгі 23.00-ден кейін заңды өкілінсіз көшеде немесе ойын сауық орталықтарында жүруге тыйым салынатындығы жайлы ескертілді.