Алдашбай ахун ауылында «Қорқыт елі - Қармақшы» жастар қоғамдық бірлестігінің ұйымдастыруымен «Шаңырақ» жас отбасылар байқауы өтті. Отбасылық құндылықты насихаттап, жастардың жауапкершілігін арттыруды көздеген шарада отбасы мен қоғам арасындағы ынтымақтастықты нығайту, халық педагогикасын жастар арасында тәрбие барысында қолдану, ұлттық тәрбиені дамыту, жастарды татулыққа, ұйымшылдыққа тәрбиелеу тәрізді мәселелер басты назарға алынды.

Алты бөлімді арқау еткен шарада қатысушылар әрбір кезеңде де белсенділік танытып, өнерімен елді тәнті етті. Сайыс соңында қатысушылар қазылар алқасының қорытындысымен дипломдар мен бағалы сыйлықтармен бірге «Ең тәрбиелі» және «Ең әдепті» отбасылар номинациялары бойынша марапатталды.