Жыраулық өнердің жампозы
"АДАЛ АДАМ" тұжырымдамасының "АРТ time" бағыты бойынша Қармақшы аудандық Көшеней Рүстембеков атындағы жыраулар үйінің «Машарап Әли» үйірмесінің жетекшісі Ақсұңқар Бүркітбайдың ұйымдастыруымен, Сыр сүлейі, даңқты жырау Жиенбай Дүзбенбетұлының 160 жылдығына арналған «Жыраулық өнердің жампозы» тақырыбындағы танымдық сабақ болып өтті. Сабақ барысында Жиенбай Дүзбенбетұлының өмірбаяны мен шығармашылығына тоқталдық.
Жиенбай жыраудың шығармашылығын негізге ала отырып, жыршылық үрдістің өткені мен бүгінін таразылап, насихаттадық. Сабағымызда үйірмеміздің шәкірті Жалаладин Зухра, «Жиенбайдың жыр бастауын» домбыраға салып орындады. Сабақ соңында, оқушылардан сабақта айтылған Жиенбай жыраудың өмірбаянынан сұрақтар қойылып, келелі кеңес құрылды.
Көмекбаев ауылдық кітапханасының кітапханашысы Гұлнар Қыпшақпаева апай сабағымызға қатысып сабақ соңында балаларға өзінің жыраулық өнер жайлы білгенін түсінгенін айтып, оқушыларға сәттілік тіледі.
