"Таза Қазақстан" акциясы аясында сенбілік өтті

Оған мекеме қызметкерлері, ардагерлер мен ҮЕҰ мүшелері, белсенді жастар қатысты.  Сенбілік жұмыстары барысында көшелер мен саябақтар, арық-атыздар қураған шөптерден тазаланды.

Одан бөлек арнайы орындар мен мекемелердің қоршаулары сырланып, көше бойындағы қоқыс қалдықтары тазартылды.

Көпшілікті тазалыққа, табиғатқа жанашырлық танытуға үндеген шара тек мемлекеттік, бюджеттік сала қызметкерлері тарапынан ғана емес, жергілікті тұрғындардың да қызу қолдауына ие болды.

Сенбілік жұмыстарына аудан орталығынан бөлек ауылдық округтердің тұрғындары да қатысып, белсенділік танытты.