Еліміздің басым бөлігінде ауа райы жауын-шашынды болады

Алдағы үш күнде республика бойынша ауа райы құбылмалы болады.
Бір жерлерде жаңбыр жауып, желдің екпіні күшейсе, Қазақстанның басым бөлігінде күн күркіреп, найзағай ойнайды деп болжайды синоптиктер. Солтүстік және солтүстік-шығыс өңірлерде жауған жауынның соңы қарға ұласуы әбден мүмкін. Ал еліміздің батысында жауын-шашын түспейді.
Ардақ Кәлменова, «Қазгидромет» РМК қысқамерзімді болжамдар басқармасының басшысы:
- Астана қаласы бойынша ертең күндіз жаңбыр жауады, найзағай болады, жел күшейеді. 15-20 метр/сек. Түнде 8-10, күндіз 19-20 градус жылы болады. 30 мамырда кей уақытта жаңбыр жауады. Түнде 3-5, күндіз 11-13 градус жылы болады. Ал 31 мамырда жаңбыр жауады. Түнде 3-5, күндіз 19-21 градус жылы.