Мемлекеттік қызметке конкурссыз тағайындалды
Мемлекет басшысының мемлекеттік қызметке кірудегі артық кедергілерді жою және одан «шығу» тәртібін жеңілдету жөніндегі тапсырмасын орындау мақсатында Мемлекеттік қызмет істері агенттігімен мемлекеттік қызметке кіруге қатысты жаңа тетіктер енгізілді.
Заңнамаға енгізілген жаңашылдықтардың бірі – жоғарғы оқу орындарын мемлекеттік тапсырыс шеңберінде орташа 3,33 GPA мәнімен аяқтаған үздік түлектердің аудан мен ауылдық деңгейдегі төменгі лауазымдарға конкурстан өтпей уәкілетті органның келісімі негізінде қызметке тұруы.
Бұл білікті жастарды мемлекеттік қызметке ынталандыру, өңірлердегі кадр тапшылығын шешу үшін қабылданған норма.
Бүгінгі күні осы тәртіппен Әл-Фараби атындағы Қазақ Ұлттық Университетін 2023 жылы үздік (GPA көрсеткіші 3,87) бітірген түлек Атаханова Айбибі Атаханқызы 2024 жылдың 30 мамырынан бастап Қармақшы аудандық жұмыспен қамту және әлеуметтік бағдарламалар бөлімінің бас маманы (E-R-4 санаты) бос мемлекеттік әкімшілік лауазымына тағайындалды.
