«Халық заңгері» акциясы өтті
Қармақшы аудандық мәдениет үйінде «Халық Заңгері» республикалық акциясы өтті.
Акция аясында аудан прокуроры, аудандық полиция бөлімі, ауданаралық Әділет департаменті, аудандық мемлекеттік кірістер департаменті және аудан әкімдігінің бөлім басшылары, заңгерлер мен адвокаттар халыққа ақысыз заңгерлік көмек көрсетті.
Акцияның негізгі мақсаты – халықтың құқықтық сауаттылығын арттыру. Шарада 30-ға жуық маман әр түрлі сала бойынша тұрғындардың сұрақтарына жауап беріп, заңгерлік кеңес берді.
Шараға қатысушылар қажетті заңгерлік кеңес, сондай-ақ мемлекеттік орган өкілдерінен өзіне қажетті мәселелер бойынша түсіндірме алды.
