Қармақшыда жол қауіпсіздігі басты назарда

Ауданда жол-көлік оқиғалары мен олардың алдын алу мақсатында аудандық прокуратура өкілдері және белсенді жастардың қатысуымен «Өзіңіздің және жолаушының тағдыры сіздің қолыңызда» акциясы өтті.

Акция аясында көлік қатынасы жиілеген және қала, кент, ауылдық округтерге қатынаушы көліктер жиі тұрақтайтын орындарда түсіндірме жұмыстары жүргізілді.

Сонымен қатар, тұрғындарға жол ережелерін қатаң сақтап, жол жүру барысында мұқият болу жөнінде ескертіліп, қауіпсіздік ережелері бойынша үнпарақтар таратылды.