Бас мүфти Қармақшы ауданына келді
Қазақстан мұсылмандары діни басқармасының төрағасы Наурызбай қажы Тағанұлы Қармақшы ауданына жұмыс сапарымен келді.
Бас мүфти Жосалы кентінде жаңадан салынып жатқан «Марал Ишан» атындағы мешіт құрылысының жұмысымен танысты.
Нысан басында, аудан әкімі Жандос Еркінбекұлы ҚМДБ төрағасына ауданның тыныс-тіршілігі мен өңірді дамыту бағытында атқарылып жатқан игі жұмыстарды баяндады.
Сапар соңында, Бас мүфти үш жүзге пір болған Марал Ишан кесенесіне барып, баба рухына құран бағыштап, зиярат етіп, ел ертеңі үшін дұға жасады.
