Партиялық бақылау комиссиясының отырысы өтті
«AMANAT» партиясы Қармақшы аудандық филиалы жанындағы партиялық бақылау комиссиясының кезекті отырысы өтті.
Жиынға комиссия төрағасы А.Скендіров “AMANAT” партиясы Қармақшы аудандық филиалының Атқарушы хатшысы Д.Буханов және комиссия мүшелері қатысты.
Отырыстың күн тәртібінде 2 мәселе қаралды.
1.«Дипломмен – ауылға» мемлекеттік бағдарламасының аудан көлемінде орындалуы туралы Қармақшы аудандық ауылшаруашылығы бөлімінің есебін тыңдау.
2. Аудан бойынша мектеп оқушыларының жазғы демалысқа дайындық барысы туралы аудандық білім бөлімінің есебін тыңдау.
Қазіргі таңда «Дипломмен ауылға» бағдарламасы бойынша 55 маман 18 975,0 мың теңге көтерме жәрдемақы (1 маманға 345,0 мың теңге) және 65 маман 284 625,0 мың теңге тұрғын үй сатып алу үшін ( 1 маманға 5175,0 мың теңге) жеңілдетілген несиемен қамтамасыз етілгені жайлы тиісті сала маманы мәлімет бере кетті.
«Қазақстан Республикасы Оқу-ағарту министрлігімен бекітілген «2024-2026 жылдардағы жазғы демалыс кезінде балаларды сауықтыруын, демалысын, бос уақытын өткізуге бағытталған іс-шаралар» жоспары басшылыққа алынып, білім бөлімінің жоспары жасалды.
Биылғы 2024 оқу жылында 1-10 сынып аралығында 14428 оқушының 14428-ның 100 пайызы жазғы демалыс және еңбекпен қамту жұмыстарын жүзеге асырылуы жоспарлануда. Жалпыға міндетті оқу қорынан мектеп жанындағы лагерьге 12 млн 455 теңге. Мектеп жанынан құрылған тынығу лагеріне 1114 оқушы тамақпен, 4677 оқушы тамақсыз лагерьге қамтылады және оқушылардың қауіпсіздігін алдын алу мақсатында және де төтенше жағдайларға байланысты шаралар жүргізіліп жатыр»- деп мәлімдеді тиісті сала маманы Тоқшылықова Ақтолқын.
Күн тәртібіндегі мәселелер толық қаралып, жан-жақты талқыланды.
Сондай ақ, күн тәртібіндегі мәселелер бойынша нақты іс-шаралар мен, шешімдер қабылданып тиісті ұсыныстар берілді.
