Жосалы кенті және 2 ауылдық округ әкімінің сайлауы басталды
Бүгін Қармақшы ауданында Жосалы кенті, ІІІ Интернационал және Ақжар ауылдық округі әкімінің сайлауы басталды. Таңғы 07.00-де сайлау учаскелері ашылып, өз жұмысын бастады.
Дауыс беру үй жайлары барлық талаптарға сай жабдықталып, бюллетеньдермен қамтылған. Сондай-ақ, мүгедектігі бар азаматтарға қолайлы жағдайлар жасалып, үйден дауыс беруге өтініш қалдырған азаматтар үшін тасымалданатын жәшіктер апарылатын болады.
Жалпы кент, ауылдық округ бойынша барлығы 14904 сайлаушы дауыс беруге құқылы. Дауыс беру жергілікті уақыт кешкі сағат 20.00-ге дейін жалғасады.
