Ұлттық киімнің сән шеруі өтті
Қазақстандағы Наурызнама онкүндігінің бесінші күні – Ұлттық киім күні.
Бүгін Қармақшы аудандық жыраулар үйінің ұйымдастыруымен «Ұлттық киімдер шеруі» өтті. Аудан өнерпаздары мен жас шәкірттердің бастамасымен үкілі кәмшат, бүрмелі көйлек пен кимешекті аналар және шапан киген ерлер ұлттық киімдерді паш етті. Шара барысында шеру қатысушылары аудан орталығындағы сауда орталықтарын аралап, ұлттық киімдерімізді халық арасында насихаттады.
Ғасырлар бойы қазақтың ұлттық киімі қарапайым әрі әдемілігімен ерекшеленіп келді. Ұлттық киім күні - бұл жеке даралығын киім арқылы білдіру, еліміздің бірлігі мен мәдени әртүрлілігін қолдау мүмкіндігі.
Ұлттық стиль еліміздің тұрғындардың ұлттық сипаты мен бірлігін бейнелейтін мәдениеттің ажырамас бөлігіне айналды.
