Кеше Дүр Оңғар ауылындағы №107 мектепте 5-7 сынып жетекшілерінің жүргізуімен қазақтың бас биі Төле бидің туғанына 360 жыл толуына орай "Туралықты тұғыр еткен Төле би" атты тақырыбында тәрбие сағаты өтті. Мұнда оқушыларға Төле би мағынасының мәнін ашып, тереңінен түсіндірілді.
Отанға, еліне жеріне деген сүйіспеншілігін арттырып, ұлы тұлғаларды қадірлеуге, құрметтеуге үйрету мақсатында өткізілген тәрбие сағаты барысында оқушылар Ұлы жүздің биі Төле бидің даңқы, шыққан атақтарымен таныс болып, өмір жолына шолу жасады. Төле бидің даналығын көрсететін әңгімелерімен танысып, Төле би ақылды, әділ, шешен және халық қамын ойлаған қайраткер бейнесінде суреттелетінін ұғынды.