Нақыл сөздерден кітапханалық сағат өтті

qarmaqshy-tany.kz Кент кітапханасында Қазақтың қоғам қайраткері, шешен, Ұлы жүздің бас биі Төле би Әлібекұлының 360 жылдығына орай "Түгел сөздің биігі-Төле би" атты нақыл сөздерінен кітапханалық сағат өтті.

Кітапханалық сағат С.Есқараев атындағы №27 орта мектебінің А.Ахметбаева жетекшілік ететін 4 сынып оқушыларының қатысуымен өткізілді. Іс-шара барысында оқушылар Төле бидің өмір тарихымен, осынша тарихи биік тұлға дәрежесіне жетуіне себеп болған тұлғалық қасиеттерімен танысты. Сонымен қатар Төле бидің нақыл сөздерін айтып, "Көркем сөздің көсемі" атты кітап көрмесімен танысты. Белсене қатысқан оқушылар аудандық орталықтандырылған кітапханалар жүйесінің директоры К.Қаниеваның "Алғыс хатымен" марапатталды.