Инвестициялық жобамен танысты
Қармақшы ауданы әкімінің орынбасары Жұлдызхан Ерқосаев пен аудан прокуроры Мейрамбек Маханбетжанов «Газоблок өндірісін ашу» жобасының жұмыстарымен танысты.
2023 жылы Жосалы кентінде «АНК-Даулет» ЖШС «Газоблок өндірісін ашу» жобасын іске асыру жұмыстары басталды. Жобаны мемлекеттік қолдау шеңберінде «Микробизнес-Қызылорда» бағдарламасымен 60,0 млн теңге несие алынды. Қазіргі таңда, цех құрылысы аяқталып, құрал-жабдықтарды құрастыру, орнату жұмыстары жүргізілуде. Өндіріс желісінің құрал-жабдықтары Ресей мемлекетінен 35,0 млн теңгеге сатып әкелінді.
Жобаның жалпы құны 150,0 млн теңге. Жобалық қуаттылығы тәулігіне 40 м/куб өнім шығару. Жоба іске қосылғанда тұрақты 5 жаңа жұмыс орындары ашылады.
Кәсіпорынның негізгі қызметі жер қойнауын пайдаланушы - карьер қазумен айналысады. Карьерде құм-қиыршық тас қоспасын өндіреді.
Ⓒ Қармақшы ауданы әкімінің баспасөз қызметі
