Қармақшы ауданында жаңа жобаның іргетасы қаланды

qarmaqshy-tany.kz Қармақшы ауданы әкімі Жандос Еркінбек аудан халқымен кездесулері барысында құрылысы жоспарланған бірқатар инвестициялық жобаларды таныстырып өткен болатын.

Осы жобалар қатарындағы «АНК-Дәулет» ЖШС газоблок өндіретін шағын зауытының құрылысы басталды.

Жобаның жалпы құны 200,0 млн теңге. Жобалық қуаттылығы тәулігіне 160 м/куб өнім шығару. Жоба іске қосылғанда тұрақты 10 жаңа жұмыс орындары ашылады.

Жобаны іске асыруға аудан, әкімінің қолдауымен, «Микробизнес-Қызылорда» бағдарламасы шеңберінде жеңілдетілген пайыздық үстемемен 60,0 млн теңге несие берілді.

Шағын зауытты іске қосу ауданда заманауи құрылыс материалы - газоблоктардың жаппай өндірісін жолға қояды.