Оқу-ағарту министрлігі Мемлекет басшысының тапсырмасымен 2023 жылдан бастап президенттік Жастар кадрлық резервінің үлгісі бойынша білім берудегі өзгерістердің көшбасшыларын іріктеу және даярлау жөніндегі жобаны іске асыруда.

Осыған сәйкес Астанада «Білім берудегі жаңа өзгерістердің 1000 көшбасшысы» жобасы аясында іріктеуден сәтті өткен үміткерлерге сертификат тапсыру рәсімі өтті.

Осы ретте «Білім берудегі өзгерістің 1000 көшбасшысы» жобасы аясында мектеп басшыларының кадрлық резервіне енген Қармақшы ауданының оқушылар үйінің директорының оқу-тәрбие ісі жөніндегі орынбасары Манасова Құралай Қорғанбекқызы және N121орта мектеп директорының бастауыш сынып оқу ісі жөніндегі орынбасары Ерманова Сымбат Нұрғалиқызы Оқу-ағарту министрі Ғани Бейсембаевтың қолынан сертификат алды.

Айта кетейік, жобаның бастапқы кезеңінде барлығы 8068 өтінім берілген. Үміткерлер құзыреттілікті бағалау, үш деңгейлі оқыту, еліміздің жетекші мектептерінде тағылымдамадан өту, қорытынды бағалау және министрлік жанындағы комиссиямен әңгімелесуден өткен. Нәтижесінде барлық бес кезеңнің қорытындысы бойынша Республикалық кадр резервіне 208 кандидат кірген.

Үздік көшбасшылар қатарынан көрінген әріптестерімізге шығармашылық табыс тілейміз!