Жаңа жыл қарсаңында Тұрмағамбет ауылында жаңа дәрігерлік амбулатория ел игілігіне табысталды.

Игі шараға облыс әкімі Нұрлыбек Нәлібаев пен облыстық денсаулық сақтау басқармасының басшысы Олжас Искаков қатысып, аудан жұртшылығын келе жатқан жаңа жылмен құттықтады.

Қармақшы ауданындағы Тұрмағамбет ауылы тұрғындарының көптен күткен көкейтесті мәселелерінің бірі шешімін тауып, жаңа медициналық нысан пайдалануға берілуде.

Жаңа емдеу орнында әрбір медицина қызметкері елге адал қызмет етіп, науқастың дертіне дауа, көңілге рауан беріп, денсаулығын жақсартуға атсалысады деп сенеміз.