Аман болсын, аналар

Ана деген бір ғасырда бір туатын,

Жарық күн ғой төгетін бар қуатын.

Ана деген әлемнің жан шуағы,

Ойлайтыны тек қана бала қамын.

Ана деген, жұмақтың кілті болар,

Әр баланың, бақыты, пірі болар.

Бар алтынды қолдағы аялайық,

Перзент деген ұғымға болып лайық.

Әр баласын тілеген Жаратқаннан,

Тәтті ұйқысын төрт бөлген таң атқаннан.

Тілеймін ана саған амандықты,

Болсам деймін өзіңдей дара, мықты.

Кешір, ана атыңа кір келтірсем,

Үмітіңді қалайда ақтап өтем.

Гүлің болып, бағыңа егілемін,

Сәулең болып көгіңе себілемін.