qarmaqshy-tany.kz Қазақстан Республикасы Ішкі істер министрлігінің нұсқауында қалалар мен елді мекендердің айналасында рұқсат етілмеген қоқыс полигондардың таралуына байланысты желілерде белсенді көтеріліп қоғам тарапынан кері әсер туғызуда. Осыған байланысты, мемлекеттік органдарға өз құзыреті шегінде тиісті алдын алу шараларын, оның ішінде қатты тұрмыстық және құрылыс қалдықтарын белгіленген орындардан, сұйық қалдықтарды полигондардан тыс жерде төгуге жол бермеуі тапсырылған болатын.

Әкімдіктермен, табиғатты қорғау және экологиялық органдармен, қоғамдық ұйымдармен, экологиялық белсенділермен бірлесіп, белгіленбеген жерлерде қоқыс пен құрылыс қалдықтарын шығару фактілерін анықтау және жолын кесу мақсатында аудан көлемінде ағымдағы жылдың 09 қазан 16 қараша аралығында «Таза қала» жедел-профилактикалық рейдтік іс-шарасы өткізілуде.

Айта кетейік, «Таза қала» іс-шарасы барысында тәртіп сақшылары күнделікті аудан тұрғындарымен түсіндірме жұмыстарын жүргізуде.

Аудан көркі – тазалықта. Барша аудан тұрғындар аулалар мен іргелес аумақтарда санитарлық тазалау жұмыстарын жүргізуге және қоқыстарды арнайы орындарға шығаруға шақырамыз.