qarmaqshy-tany.kz Аудан әкімінің келесі сапары саланың ыстық-суығына үйреніп, ұланғайыр атырапқа ақ күрішті теңіздей толқытқан "Тұрмағамбет" ЖШС-де жалғасты.

Күн қыза 2157 гектар алқапқа Сыр салысын орналастырған диқандар күзгі егін жинау жұмыстары бойынша бүгінгі күні 50%-бен 1010 гектарды орып, 34,5%-бен 690 га өнім бастырылған. Орта өннім алу бойынша әр гектарынан 50,0 центнерден асып отыр.

Жаңарған техникалармен күзгі егін жинау жұмыстарына кіріскен серіктестік 2 Макдон, 1 ЖРК барлығы 3 жатка, 5 КЛАСС, 1 ТОРУМ барлығы 6 комбайн, 6 трактор, 12 трактор тіркемесі мен 4 автомашинаны жұмылдырған.

Аудан әкімі көзін ашқалы ақ маржанды арқау етіп, сол арқылы бүтіндей бір ауылдың тіршілігіне қан жүгірткен ауыл инвесторының толымды тіршілігіне өз ризашылығын білдірді.

Қармақшы ауданы әкімінің баспасөз қызметі