qarmaqshy-tany.kz Ардагерлерді құрметтеу – баршамыздың парасатты парызымыз. Біле білсек, бүгінгі бақытты өмірге жеткеніміздің өзі – сол аға ұрпақтың, ардагерлеріміздің арқасы.

Ардагерлеріміздің, аға ұрпақ өкілдеріміздің еңбегін айтып жеткізу қиын. Ардагерлерге деген ыстық ықылас пен құрмет, алғыс ешқашан толастамайды, керісінше «тау алыстаған сайын биіктей түседі» демекші, уақыт өткен сайын еселене бермек.

Осы орайда, бүгін «AMANAT» партиясы Қармақшы аудандық филиалының атқарушы хатшысы Д.Буханов және «Аудандық емхана» бастауыш партия ұйымының мүшелері «Ардагерлерді ардақтайық» партиялық жобасы аясында ардагерлердің үйлерін аралады.

Мақсаты: үй күтіміндегі ардагерлердің жағдайын білу, қажетті дәрі-дермекпен қамтамасыз ету, денсаулықтың күтіміне байланысты медициналық кеңестер беру. Өз кезегінде ардагерлер қарттарға құрмет көрсетіп, қолдау танытып жатқандары үшін партиялықтарға және арнайы уақыттарын арнап қызмет жасаған медицина мамандарына ризашылықтарын білдірді.