"Ардагерлерді ардақтайық" партиялық жобасы

qarmaqshy-tany.kz "Ардагерлерді ардақтайық" партиялық жобасы аясында "AMANAT" партиясы аудандық филиалының атқарушы хатшысы Дастан Әбдібекұлы мен партия ардагері Күлжауһар Төлегенқызы және партия белсендісі аудандық емхана қызметкері Әсем Ідірісқызы қарт кісілердің үйін аралап медициналық көмек көрсетіп, денсаулықтарын тексерді.

Дәстүрге айналған игі шараның негізгі мақсаты тыл еңбеккерлері, жалғызбасты қарттарға қамқорлық көрсету, жастарды үлкен кісілерге ықыласпен қарауға тәрбиелеу болып табылады.

«Қарты бар ел-қазыналы ел» дейді халқымыз. Сол қазынамызды қастерлей білу, олардың жағдайын жасап, көмек көрсету – біздің парызымыз. Сол себепті, дәл осы шара одан әрі қарай өз жалғасын табады.