Жанданған жұлдызды қалашық
qarmaqshy-tany.kz Аудандағы ірі құрылыс жобаларының бірі – Байқоңыр қаласындағы 50 пәтерлік 5 қабатты 5 тұрғын үй құрылысы. Осы ретте, құрылыс жұмысымен танысу үшін Байқоңыр қаласына арнайы бардық.
Құрылыс алаңына жеткенімізде өзін Нұрталап Нұрұлла басқаратын «НұрТехСервис» жауапкершілігі шектеулі серіктестігінің учаске прорабы Абай Бағазиев деген азамат қазіргі таңда құрылыс басында жүріп жатқан жұмыстармен таныстырды. Ол 50 пәтерлік 5 қабатты 5 тұрғын үй құрылысын «НұрТехСервис» және «ҚазҚұрылысСервис» ЖШС құрылысшыларының күшімен салынып жатқанын айта келе, өзі басшылық ететін учаскеде 50ден астам құрылысшы еңбек ететінін жеткізді. Олар бүгінде ғимараттардың ішкі құрылысын, яғни сылақ, электр желілерін жүргізу, шатырлау, есіктерезе салу және басқа да жұмыстарды атқаруда екенін баяндады. Құрылыс мекемесі 5 тұрғын үйдің 3еуін, ал қалған 2еуін «ҚазҚұрылысСервис» ЖШС құрылысшылары салып жатқанын да атап өтті.
Сондай-ақ, жұмысшылардың жартысы жергілікті тұрғындар. Олардың арасында Жарасхан Әбілмажанов, Кенжетай Еркебаев сынды құрыш қолды құрылысшылар, автокран жүргізушісі Нағашыбек Көшербаев пен маман Еламан Мүсірәлиевтер өздерінің өнегелі істерімен көпке үлгі болып жүргенін жеткізді.
– Жуырда аудан әкімі Жандос Еркінбекұлы жұлдызды қалашықта болған іссапарында мердігерлермен кездесіп, онда мекеме басшыларына осы жылдың 30 қарашасына дейін барлық жұмысты тәмамдауды, сондайақ бүгінде халық бұл күнді асыға күтіп отырғанын айтқан болатын. Біз де соған қолымыздан келгенше күшжігерімізді салудамыз, – дейді учаске прорабы.
Нұрбай ЖАНӘДІЛОВ
