Қармақшы ауданында "Мектепке жол" акциясы аясындағы жәрмеңке өткізілді

qarmaqshy-tany.kz Бүгінде дәстүрлі сипатқа ие болған республикалық акция аясында ауданда ауқымды жәрмеңке ұйымдастырылды. Акцияға аудан әкімі Жандос Еркінбекұлы қатысып, жаңа оқу жылын асыға күтіп жүрген барша оқушы қауымына сәттілік тіледі. Ауқымды қайырымдылық іске атсалысқан кәсіпкерлерге алғысын білдіріп, бүлдіршіндерге оқу құралдарымен жабдықталған сөмкелер таратты.

Жәрмеңкеге өңірімізге танымал "Асем", "Айша-бибі" тігін цехтары өз өнімдерін аудан тұрғындарына ұсынды.

Акция барысында бүлдіршіндерге түрлі аниматорлық ойындар ойнатылып, балалар игілігі үшін ойын-сауық аттракциондары тегін қызмет көрсетті.