«Мектепке жол» Республикалық акциясына шақырамыз!
qarmaqshy-tany.kz Қармақшы аудандық кәсіпкерлік, өнеркәсіп және туризм бөлімінің ұйымдастыруымен өтетін «Мектепке жол» Республикалық акциясына шақырамыз.
Жәрмеңкенің басты мақсаты – ата-аналардың балаға қажетті мектеп құралдарын бір жерден алуын ұйымдастыру, халыққа қажетті заттарды төмен бағамен ұсыну.
Ауданымызда жыл сайын дәстүрлі түрде аталып өтетін іс -шараға Қызылорда облысының тауар өндіруші кәсіпкерлері өз өнімдерін көпшілік назарына ұсынады. Атап айтқанда, «Ас-Ка» ЖШС,«Ақжүрек мүгедектер қоғамы» ҚБ, “Асем” тігін цехы және т.б.
Атап өту қажет, аталған науқан Қармақшы ауданында 18 тамыз күні сағат 09:00-13:00 аралығында өтетін болады.
Жәрмеңкенің өтетін орны - Қармақшы ауданы, Жосалы кенті Сексенбаев көшесі «Адина» сауда орталығының алды.
