Облыс әкімінің орынбасары Қармақшы ауданында

qarmaqshy-tany.kz Қызылорда облысы әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі Нұртай Қайрат Ырзақұлұлы Қармақшы ауылында жаңадан салынған «Су қабылдайтын құрылғыны қайта құру» жобасын іске қосу салтанатты шарасына қатысып, “Құрылысшылар күні” қарсаңында пайдалануға берілген нысан ауыл тұрғындарына 100 пайыз таза, сапалы ауыз сумен үздіксіз қамтамасыз ететінін атап өтіп, ел игілігіне бағытталған жаңа жобаның іске қосылуымен құттықтады.

Сонымен қатар, облыс әкімінің орынбасары Жосалы кентінде Қармақшы ауданының тұрғындарына жеке мәселелері бойынша қоғамдық қабылдау өткізді.

Қабылдауға келген азаматтар тұрғын үйге табиғи газ кіргізу, тазалық жұмыстары, денсаулық сақтау саласы және құқықтық мәселелер бойынша жүгінді. Аймақ басшысының орынбасары әрбір тұрғынның мәселесі бойынша Заң шеңберінде шешу жолдарын түсіндіріп, тиісті сала басшыларына бірқатар тапсырмалар жүктеді