Ұстаз үміті, ата-ана сенімі ақталды

qarmaqshy-tany.kz Мемлекетімізде мектеп түлектері үшін бірнеше күннен бері көптен күткен 2023 жылдың грант иегерлерінің тізімі жарияланды.

Осы орайда Қармақшы ауданы бойынша биылғы жылы ҰБТ-ге қатысқан 581 оқушының 519 мемлекеттік грант конкурсына қатысып, 450 оқушымыз бүгінгі күнмен еліміздің еңселі жоғары оқу орындарының мемлекеттік грант иегерлері атанды. Бұл көрсеткіш 86,7% құрап отыр.

Ұстаз үміті мен ата-ана сенімін ақтаған түлектерімізді құттықтап, білім нәрімен сусындатқан қадірлі ұстаздарға алғыс білдіреміз.

Алдағы уақытта әлі де өзге конкурс нәтижелерін күтіп отырған түлектерімізге сәттілік тілейміз. Нәтижелі жаңалықтар күтеміз. Біз сіздерге сенеміз!

Бағындырар асуларың көп болсын, жас түлек!