Қазақстанда күн салқындайды
Қазақстанның көптеген өңірлерінің тұрғындары ұзаққа созылған аптап ыстықтан кейін арктикалық ауаның салқынын сезінеді, деп хабарлайды ҚазАқпарат
Бұл ретте елдің оңтүстігінде, шығысында оңтүстік циклонның әсері сақталады. Екі ауа массасының соқтығысуынан фронтальды бөлімдердің шиеленісуі орын алады.
Батыс өңірлерді қоспағанда, ел аумағында жаңбыр жауады, кейде найзағай жарқылдап, бұршақ жауып, екпінді жел (15-25 м/с дейін) соғады. Елдің батыс аймақтарында ғана ыстық күн райы сақталады.
