Қайыққа отыруда аса сақтық керек. Бірінші ортасынан басып, отырғышқа бірқалыпты жайғасқан жөн. Шағын көлемді кеменің немесе қайықтың бортына отыруға, бір орыннан екінші орынға ауысуға, бір қайықтан екіншісіне отыруға, қайықты шайқауға, одан суға секіруге немесе сүңгуге қатаң түрде тыйым салынады. Сонымен қатар, қайықтағы адамдар жеке құтқару құралдарын (құтқару жилеттері, кеудешелері) киіп отыруы қажет.

Шағын көлемді кеме немесе қайықпен балық және аң аулау кезінде мына қарапайым қауіпсіздік ережелерін қаперде сақтаңыз:

1.Өзімен бірге міндетті түрде медициналық қобдиша, қолшам, жергілікті жердің картасы, өзінің орналасқан орны туралы хабарлағыш құралдарының болуы тиіс;

2.Балық немесе аң аулау орнын мұқият тексеріп қарап алу;

3.Мас күйінде немесе есірткіге масайған күйде балық, аң аулауға қатаң тыйым салынады;

4.Қайықтың жарамдығын тексеру, оны құтқару жилеті, құтқару шеңбері, белдіктермен жабдықтау;

5.Қайықта шелектің немесе ондағы суды сыртқа шығару үшін ыңғайлы басқа да ыдыстардың болуы.

6.Балық немесе аң аулауға керекті құралжабдықтарды кеме бортының бойына, ал қалған бұйымдарды (киім, қолсөмке, чемодан) қайықтың отырғышының астына, тұмсығына немесе артқы бөлігіне жинақы орналастырыңыз. Қандайда бір төтенше жағдайға тап болсаңыз «101» немесе «112» немесе 2-12-85 нөміріне хабарласыңыз.