Елімізде көлік нөмірінің сериясын таңдауға мүмкіндік беріледі
Көліктің мемлекеттік нөмірінде жазылатын үш әріптік серияны алдағы уақытта таңдауға болады. Бұл туралы цифрлық даму, инновациялар және аэроғарыш өнеркәсібі министрі Бағдат Мусин мәлімдеді. Қазіргі кезде жоғары сұранысқа ие автокөлік нөмірлеріy сатып алуға болады. Оған электрондық үкімет порталы мен eGov Mobile мобильді қосымшасы арқылы тапсырыс беруге мүмкіндік бар. Алайда нөмірдегі үш әріптің сериясын таңдау қызметі жоқ.
"Маған басқа да арналар арқылы қажетті нөмірлерге тапсырыс беруге болатындығы туралы ақпарат келіп жатады. Бұл жағдаймен барынша таныспын. Сондықтан біз мемлекеттік нөмірлерді таңдауға бағытталған қызметті енгізу мәселесін пысықтап жатырмыз. Мәселен, сатып алушы өз есімінің алғашқы үш әрпін енгізу арқылы қалаған нөміріне қол жеткізе алады. Бұл қызмет түріне бізде үлкен сұраныс бар" деп жазды Мусин әлеуметтік желіде.
Sputnik.kz
