ВАКЦИНАЦИЯНЫҢ ПАЙДАСЫ

Төретам кентіндегі №80, №85 мектеп пен аудандық оқушылар үйінде «Өзіңді туберкулезден қорға, БЦЖ екпесінен бас тартпа» тақырыбында семинар өтті.

Онда вакцинацияның тиімділігі, иммунизацияның аурудан қорғану процесі түсіндіріліп, оқушыларға кеңінен мәлімет берілді.

Шараға аудандық туберкулезге қарсы күрес диспансерінің дәрігері А.Түзімбетова, салауатты өмір салтын қалыптастыру кабинетінің маманы М.Бержанова қатысып, хабарлама жасады.

Семинарда жас жеткіншектерге сауалнама жүргізілді.