qarmaqshy-tany.kz №1 санаториялық бөбекжай-бақшасы жазғы сауықтыру шынықтыру шаралары барысында "Шұғыла" топ тəрбиешілері мен ата-аналарының ұйымдастыруымен "Жайдарлы жаз, жарқын жаз!" тақырыбында іс-шарасы өткізілді.

Жазғы сауықтыру, шынықтыру шараларын ұйымдастыра отырып, ата-аналар мен бөбекжай-бақша арасындағы байланысты нығайту, балалардың физикалық дағдысын қалыптастыру, спорттық сайыс ойындарына ата-аналар мен балалардың қызығушылығын арттыру мақсатында өткізілген шараға аудандық білім бөлімінің басшысы Абдазиева Гүлзира Мажитқызы арнайы барып, алғы сөз алып, балғын балаларға тәттілер тарту етті.

Сайыс барысы өте қызықты əрі ата-аналардың белсенді қатысуымен жүргізіліп, топ тəрбиешілерінің балаларға түрлі дəрумендерге бай өнімдерден жасалған пайдалы коктейльдер беруімен жалғасын тауып, шара соңы ата-аналарды түрлі номинациямен марапаттау рəсімі арқылы өз мəресіне жетті.