qarmaqshy-tany.kz Қармақшы ауданының Полиция бөлімінің Жергілікті полиция қызметі бөлімшесінің кәмелетке толмағандар істері жөніндегі учаскелік полиция инспекторы полиция лейтенанты М.Жұбатқанованың ұйымдастыруымен Жосалы кенті орталығындағы №105 мектеп-лицейінің оқушылары Қармақшы ауданының Полиция бөлімінде «Ашық есік күні» шеңберіне сәйкес, мұражайда болды. Сонымен қатар, бөлімнің кинологы Ж.Мақсым қызметтік итті көрсетіп, әртүрлі жаттығулар жасатып, балаларға қызметтік иттің ролімен атқаратын жұмысын таныстырып берді.

Балалар қызметтік иттің жасаған жаттығуларына мәз болып, қызметтік иттер туралы айтылған деректерге тәнті болды.

Ең бастысы, балалар полиция қызметінің қиын да қатерлі жұмыстарының жауапкершілігін түсінді. Оқушылар мен мұғалімдер мұндай «Ашық есік күні» сияқты шаралардың болашақта тәртіп сақшысы болуға деген қызығушылығын тудыратынын айтып, ризашылықтарын білдірді.