Кәсіби бағыт бағдар беру

qarmaqshy-tany.kz Академик С.А.Джиенкулов Атындағы Байқоңыр жоғары колледжінде бекітілген жылдық жоспарға сәйкес өңірдегі мектептерге, атап айтар болсақ, N275,277 мектептердің 9-сынып оқушыларына кәсіби бағыт бағдар беру мақсатында үгіт-насихат жұмыстары жүргізілді.

Мақсат- «Академик С.А.Джиенкулов атындағы Байқоңыр жоғары колледжі» білім беру мекемесіне 2023-2024 оқу жылына талапкерлерді оқуға шақыру; болашақ талапкерлерге колледж тарихымен, колледжге түсу тәртібін, оқу жүйесін және колледжде білім алудың тиімділігі жайлы толық ақпарат беру.

Үгіт-насихат жүргізуге колледж директорының тәрбие ісі жөніндегі орынбасары Сакен Есеналиев пен Аслан Таласбай мен Габит Калыбаев сынды оқытушылар қатысты.

Еліміздің болашағы –жастар екенін ескерсек, жыл сайын мектеп бітіруші түлектер қай мамандықты таңдарын білмей, ойын сан-сақта жүретіні анық. Осындай жастарға болашақтағы мамандығын қателеспей, оны өзінің жүрек қалауымен таңдауға жол көрсетіп, дұрыс бағыт беру мақсатындағы бұл шараның маңызы зор.