qarmaqshy-tany.kz Кеше 20 наурыз күні №121 мектеп базасында 6-11 сынып оқушылары арасында өтетін дәстүрлі «Ясауитану-2023» Республикалық байқауының І аудандық кезеңі болып өтті.

Байқаудың мақсаты мен міндеті - қазақ халқының рухани тұтастығын қалыптастырған Қожа Ахмет Ясауи бабамыздың хикметтерін насихаттау, өскелең ұрпақты ұлы баба мұрасын терең меңгеріп, зерттеуге ынталандыру және Қожа Ахмет Ясауи кесенесінде жерленген тарихи тұлғалардың өмірі мен қызметін өскелең ұрпақтың бойына сіңіру, тарихи-мәдени ескерткіштерді, жәдігерлерді насихаттау. Аудандық кезеңге 19 мектептен 23 оқушы қатысты. Облыстық кезеңге жолдама алған №26 мектептің 7 сынып оқушысы Алтынбайқызы Мөлдір, №26 мектептің 7 сынып оқушысы Кенбайқызы Аружан, №80 мектеп-гимназиясының 9 сынып оқушысы Ойнарбекова Ұланай, №111 мектептің 6 сынып оқушысы Құдайбергенұлы Ерасыл облыстық кезеңге жолдама алды.