qarmaqshy-tany.kz Ардагер – құрметті, ардақты, қадірлі адам деген мәнді білдіретін этикалық ұғым. Ел қамын ойлаған, елеулі еңбек етіп, абыройлы адамды халық сыйлаған.

Жеке адам қоғамда ерекше істерімен, ақыл парасатымен, адамгершілік асыл қасиетімен, беделімен жұртшылыққа танылғанда ғана ардагер бола алады. Осындай тұлғаның кәмелетке толмаған балаларға өзінің жүріп өткен сара жолын, тәлім-тәрбие беретіндей ақылдары мен кеңестерін айтуға Жосалы кенті орталығындағы №105 мектеп-лицейінің 8-10 сынып оқушыларымен Ішкі істер органының құрметті ардагері Назарқұлов Есет ағаймен және аудан ардагері Сариев Орынбасар атамыз кездесуге келді.

Қармақшы ауданының Полиция бөлімінің Жергілікті полиция қызметі бөлімшесінің ювеналды полиция тобының инспекторы полиция лейтенанты Жұбатқанова Мадина, мектеп әкімшілігі оқушыларға бұл кездесудің маңыздылығын айтып, кәмелетке толмағандармен жасалатын құқық бұзушылықтардың алдын алуға бағытталған заңнама талаптарын түсіндіріп өтті.