Қызылорда облысында Сыбайлас жемқорлыққа қарсы қызметке мемлекеттік сатып алудағы заңсыз әкімшілік кедергілер бойынша кәсіпкер өтініш білдірді.

Денсаулық сақтау министрлігі Санитариялық-эпидемиологиялық бақылау комитетінің «Ұлттық сараптама орталығы» ШЖҚ РМК Қызылорда облысының филиалы мемлекеттік сатып алу конкурсы бойынша кәсіпкерден тауарды (кәсіби инсектоакарицидтік концентратты) тапсыру барысында қосымша сәйкестік сертификатын беруді талап еткен.

Департамент аталған мәселенің негізінде тауарларды өткізу мақсатында қалған құжаттама топтары түгел болған жағдайда, сәйкестік сертификаты сұратылмайтынын анықтады.

Осының аясында департамент мүдделі тараптармен түсіндірме жұмыстарын жүргізіп, тапсырыс берушімен кәсіпкер ұсынған тауар заңнама аясында қабылданды.