"Ардақтайық ананы"

qarmaqshy-tany.kz  Қармақшы ауылдық клуб үйінде ауыл әкімі, әйелдер, аналар, барлық мекемелермен біріге отырып 8 наурыз-Халықаралық әйелдер мерекесіне орай "Ардақтайық ананы" атты мерекелік кеш болып өтті. Кешті ауыл әкімінің бас маманы М. Амантаев, ардагерлер кеңесінің төрағасы М.Таңбаев,әйелдер кеңесінің төрайымы Г.Бадырақ аналарды құттықтап, ауылдық мекемелердің атынан сый-сияпат тапсырды. Ауылдық клуб үйінің қызметкерлері әннен шашу шашып, керемет көңіл күй сыйлады. Клуб үйінің қызметкерлері осындай керемет күні дүниеге келген, 80 жасқа толған Берманова Аманкүл анамызға сыйлық табыстады. Анамыз ақ батасын беріп, ризашылығын білдірді.